काठमाडौं । सर्वोच्च अदालतको ‘फूलकोर्ट’ बैठकले मंसिर १५ गतेदेखि गोलाप्रथाबाट पेशी तोक्ने निर्णय गरेको छ ।

सर्वोच्च अदालतमा न्यायाधीशको आज बसेको पूर्ण बैठक (फूलकोर्ट) बैठकले उक्त प्रक्रियाबाट पेसी तोकी मुद्दाको सनुुवाइ गर्ने निर्णय गरेको हो ।

गोला प्रक्रियाबाट मुद्दाको पेसी तोकी सुनुवाइ गर्नुपर्ने माग सर्वोच्चका न्यायाधीश र नेपाल बार एशोसिएशनको पनि थियो । उक्त माग पूरा हुने भएको छ ।

सर्वोच्च अदालत दोस्रो संशोधन नियमावली, २०७८ राजपत्रमा प्रकाशित भएपछि उक्त निर्णय भएको हो । नियमावली सोमबार नेपाल राजपत्रमा प्रकाशित भएको थियो ।

यसअघि प्रधानन्यायाधीश राणाले पेशी तोक्दै आएका थिए । तर त्यसरी पेशी तोक्दा ‘सेटिङ’ गरेर न्याय किनबेच गरेको आरोप कानुन व्यवसायीले प्रधानन्यायाधीश राणामाथि लगाएका थिए ।

गोलाप्रथाबाट पेशी तोक्नुपर्ने मागसहित बारका कानुन व्यवसायीले प्रधानन्यायाधीश राणाको राजीनामा माग गर्दै आएका छन् ।

गोलाप्रथाबाट पेसी तोक्न प्रधानन्यायाधीश चोलेन्द्र शमशेर जबरा राजी भएपछि १९ जना न्यायाधीश इजलासमा फर्किएका थिए ।

नेपाल बार एसोसीएसनको जबराको राजीनामा माग्दै भएको आन्दोलनमा ऐक्यबद्धता जनाएर न्यायाधीशहरूले इजलास बहिस्कार गरेका थिए । तर, गोलाप्रथा लागु गर्ने भएपछि न्यायाधीश इजलास फर्किए पनि बार भने आन्दोलनमै छ ।

तपाईको प्रतिक्रिया

Shop Now with Lauaayo