काठमाडौं । सरकारले भिजिट भिसामा विदेश जान कडाइ गर्ने भएको छ ।

भिजिट भिसा र सोबाट सिर्जित समस्या तथा समाधानका उपायहरू सम्बन्धमा सिफारिस गर्न गठित कार्यदलले भिजिट भिसामा विदेश जान कम्तिमा पनि हरेक वर्षमा १० लाख आम्दानी हुनुपर्ने प्रावधान ल्याउने तयारी गरेको हो ।

यो प्रतिवेदन कार्यविधि बनाएपछि कार्यान्वयनमा आउनेछ । प्रतिवेदनमा आम्दानी सँगसँगै कम्तिमा ५ लाख नगद मौजदात हुनुपर्ने प्रावधानसमेत उल्लेख गरिएको छ । सरकारको नयाँ व्यवस्थाले न्यून आय भएका नेपाली भिजिट भिसामा विदेश जानबाट रोकिने देखिन्छ ।

कागजात सामान्यरुपमा शंकास्पद देखिएको तर फर्जी हो भन्ने यकिन गर्न नसक्ने भएका यात्रुलाई प्रस्थान अनुमति दिई छानबिनका लागि कागजान विभागमा पठाउनुपर्ने प्रतिवेदनमा उल्लेख छ ।

अस्पताल वा शिक्षण संस्थाको कार्यक्रमको अनुभव आदानप्रदान वा ट्राभल एजन्सीले प्रस्थान हुनुअघि अध्यागमन विभागमा लिखित अनुरोध गरी फर्काउने कब्बुलियतनामा गरी सम्बन्धित निकायले जिम्मेवारी लिने भएमा टुर प्याकेज, शैक्षिक भ्रमण कार्यक्रम अथवा यस्तै प्रकृतिको अन्य कार्यक्रमको सन्दर्धमा विभागको निर्णयअनुसार हुने प्रतिवेदनमा भनिएको छ।

तपाईको प्रतिक्रिया

Shop Now with Lauaayo